FRO.LU - Check your governement. - Neue Anfragen

Pourquoi un tueur reçoit-il une assistance juridique, et pas la famille de la victime?

Tue, 13 Aug 2019 09:47:55 +0000

Pourquoi un tueur peut-il reçevoir une assistance juridique et pas la famille de la victime?

Exemple:

- le tueur est en prison, il n'a pas de revenus, il profite d'une assistance judiciaire.

- la famille de la victime travaille, ils ont un salaire 'normal', ils ne sont pas riche, ni pauvre. Mais maintenant ils ont des frais d'avocat. Et un avocat est chère, très chère. Ils n'arrivent pas à payer leur avocat, et ils n'ont pas droit à une assistance judiciaire parce qu'ils ont un salaire

C'est quelque chose que j'ai entendu d'une très bonne source (un avocat qui a vécu cela pour un de ses clients). Donc c'est réel. Parfois, les criminels reçoivent de l'aide, mais les victimes, ou les familles des victimes, ne reçoivent aucune aide. Parfois, les criminels gagnent parce que la victime ou la famille n'a pas les moyens de payer les frais avocats. Ce n'est pas juste.

Je peux comprendre que tout le monde a droit à l'assistance juridique, mais je ne peux pas comprendre que les victimes soient victimes de discrimination.

On facilite la vie des criminels, et on laisse les victimes (dans certain cas) dans le froid.

GouvAlert an EU Emergency Alert

Tue, 13 Aug 2019 09:39:48 +0000

Wisou ass vun GouvAlert de Weekend vum Tornado zu Péiteng keng Alerte raus gaangen?

Wisou ass keng Emergency Alert iwwert Mobiltelefonnetzer eraus gaangen wéi d'EU et virgesäit?

Upassen vum Montant vun der TVA Logement un déi réell Wunning- an Haiserpräisser

Tue, 13 Aug 2019 09:26:32 +0000

An de Joëren 2009, 2010, 2011 an 2012 konnt een en Haus vun 500.000 htva mat 3% TVA bauen well de Plafond vun der TVA Logement 60.000 Euro war. (60.000 / 0,12 = 500.000)
Nodems dese Plafond ab 2013 erem op 50.000 erofgesat ginn war, konnt een nach fir 416.666 mat 3% TVA bauen. (50.000 / 0,12 = 416.666)
Seit 2015 kann een just nach fir 357.143 Euro mat 3 %TVA bauen well den Taux normal vu 15 op 17% gehéicht ginn ass. (50.000 / 0,14 = 357.143)

Vu dass de Staat op där enger Säit higeet an haut méi wéi je dem Bierger virschreiwt (Isolatioun, Energieklass etc.) wéi hien ze bauen huet an dann awer zäitgläich séng TVA-Hëllef zeréckschrauft, mëcht de Staat selwer d’Wunnen méi deier. D’Energiesubsidien etc. ginn nët duer fir déi Méikäschten (Isoléierfaçade, triple vitrage, asw.) ze finanzéieren.

Als Beispill géif dat Haus vu 500.000€ htva haut 20.000€ méi kaschten wéi deemols 2009-2011. An do gouf lo nach guer keng Inflatioun etc. considéréiert.

Dowéinst dës wichteg Fro: Wéini a wéi héich gett de Montant vun der TVA Logement ugepasst?

Merci

An deem Kontext sief och nach gesot dass beim Staat séngem eegenen soziale Wunnéngsbau (cf. Sites internet SNHBM a Fonds du Logement) d'Präisser ouni Terrain schon deelweis wäit iwert dësen aktuellen 357.143 € leien.

Froen vum Datenschutz am Kontext vun ILR

Sat, 10 Aug 2019 14:58:01 +0000

La loi modifiée du 30 mai 2005 concernant la protection de la vie privée dans le secteur des communications électroniques. L'article 10bis fichier centralise aupres l'ILR

Telecom Operateuren si obligéiert Informatiounen iwwert hier Clientèle an eng Base de Donnée vum ILR anzespeisen. Z.b. den Numm, Alter, Adresse, Lieu de naissance, Nummer a Pays de Deliverance vun der Pièce d'Identité. Ass dëst mam neien Dateschutzgesëtz kompatibel? Wéini ginn des Informatiounen aus der Base des Données vum ILR gelëscht? Wei get kontrolléiert op de Lieu de naissance vum Client korrekt ass, sachant dass op ville Pièce d'Identité keen Lieu de Naissance drop steht. Z.b steet op den neie Lëtzebueger Carte d'Identité kee Lieu de Naissance méi. Wisou seht keen Lieu de Naissance mei op der aktueller Lëtzebuerger Carte d'Identité?

Haassmessagen op Social Media Kanäl

Wed, 07 Aug 2019 08:27:26 +0000

Moien,

meng Fro ass op sech d'Besetzer vun Social Media Seiten strofbar maachen, wann se Haassmessagen op hieren Seiten vun dretten User net administréieren an stoen loossen.

Als Beispill:

Huele mer un op der Facebook Sait vum Noorichtenportal XY postet en User en Message, deen strofrechtlech relevant ass. En aneren User mescht d'Noorichtenportal XY drop opmierksam. Noorichtenportal XY reagéiert net an léisst den Kommentar stoen.

Kann een de Code penal mat den entspriechenden Artikel sou ausleen, dat sech d'Noorichtenportal XY strofbar mescht?

Menger Meenung ass dat aktuell eng Onkloerheet am Gesetz, wou den Justizminister Stellung sollt huelen.

Duerch wat fir eng Base Legale kennen pensionnéiert Enseignanten hir @education.lu Email Adress nach virun benotzen?

Tue, 06 Aug 2019 16:29:15 +0000

Firwat kritt den Enseignement eng Extrawurscht an all déi aner net. Oder kann demnächst déi ganz Fonction publique hir E-mail an der Pensioun halen a vum Staat sénge Serveren an Antivirus Programmer profitéieren?

Police Fichier central

Fri, 02 Aug 2019 15:18:18 +0000

Ech hunn haut eng Äntwert kritt vun der Police Grand- Ducale nodeems ech Accès vu mengen données personnelles gefrot hunn.

Et heescht:

Il résulte de nos recherches que la Police Grand-Ducale ne traite pas de données à caractère personnel vous concernant dans ses fichiers< Fichier central, Journal des incidents, Informations policières>

Ech sinn 2x verhaft ginn, 1984 a 1996, 1984 hunn ech 13 Méint Sursis kritt, war 2 Mol 1 Dag an Untersuchungshaft, si 1996 mat Mandat européen vun der Police gesicht ginn. 2009 ass eng Plainte géint mech gemaach ginn, 2010 hunn ech eng Plainte géint ee gemaach. An nach Villes méi.

Hunn och bei der Douane ugefrot an do steet Alles vu mär dran wat 1996 iwwert mech enquetéiert ginn ass.

Déi Informatioune vun der Police dass NÄISCHT iwwert mech ze fannen ass sinn net korrekt.

Ech ka mer dat just esou erklären dass an denen läschte 10 Joer näischt méi iwwert mech ze fannen ass awer virdrun mat Secherhet jo!

Si vläit do all an Teschenzäit archivéiert "Affairen"net berücksichtegt ginn?

D´Magistratur huet awer nach emmer Zougang zu dëssen "archivéierte Fichier´en" si sinn net geläscht an NET vergiess no bal 25 Joer.

All Richter an all Procureur kann se nach ëmmer gesinn, an dat no 25 Joer.

Wann dat keng Parlamentaresch For wäert ass da wenden ech un eng aner Oppistiounspartei.

Merci.

Office 365 (education.lu) -> GDPR ?

Mon, 29 Jul 2019 14:28:21 +0000

An Däitschland gouf d'Benotze vun Office 365 u Schoulen als net GDPR-konform erklärt.

https://www.heise.de/newsticker/meldung/Datenschuetzer-Einsatz-von-Microsoft-Office-365-an-Schulen-ist-unzulaessig-4466156.html

Wéi ass et zu Lëtzebuerg ?

Schied duerch Hetzt un de Schinnen

Fri, 26 Jul 2019 15:05:29 +0000

D'Hetzt zur zeit Zeit kann och massiv Repercussiounen op de Schinnenverkéier hun.

Duerch d'Hetzt dehnt sech d Material vun den Schinnen aus, wat dozou verhennern kann, dat déi sech verbéien. An der Schweiz an Daitschland haat dat bis ewell och schon zur Konsequenz gehaat, dat den Zuchtraffic op verschiddenen Strecken zesummengebrach ass.

Sinn sou Schied an der Vergaangenheet och schon zu Letzebuerg opgedaucht?

Wann jo, wéi vill Zich sin dowéinst ausgefall?

Wann jo, wéi héich ass den finanziellen Schued?

An Daitschland, Eistreich an an der Schweiz gin zur zeit waiss Schinnen getest. Déi waiss Faarw féiert zu enger méi héicher Reflexioun vum Sonneliicht, wat bewiirkt dat d Schinnen net sou schnell immens waarm gin. Ass dat och eng Optioun fir Letzebuerg?

Wéi eng weider Moossnahmen hellt d CFL fir dat sou Schied net entstin?

Wéi héich ass d'Verméigen vum groussherzoglechen Haff?

Fri, 26 Jul 2019 14:07:44 +0000

Laut engem Ranking vum Magazin "Business Insider" soll den Grand-Duc een vun den reichsten Monarchen vun der Welt sin. Sein Privatverméigen gett op 3,55 Milliarden Euro geschaat.

Den Haff huet des Zuelen per Twitter Nooricht dementéiert ouni awer konkret Zuelen ze nennen.

http://www.lessentiel.lu/de/luxemburg/story/der-gro-herzog-ist-nicht-so-reich-wie-alle-sagen-11532322

Fir Transparenz ze schaafen sollt den Staatsministere an den Haff des Zuelen öffentlech maachen. Dat ass dat sennvollst wann een Gerüchter vermeiden well, déi am Endeffekt der Monarchie hei am Land schueden kennen.

Nuisances sonores par véhicules automobiles privés : Kaméidi

Wed, 24 Jul 2019 08:06:56 +0000

Moien,

méng Fro géif goen: un de Ministère de l'Environnement, un de Ministère de la Santé, an un de Ministère de l'Intérieur deen d'Executiiv, sprëch, d'Police géréiert, an natiirlech un all aanere Ministère an Member vun der Exekutiiv, d'Regierung, deen sech betraff fillt.
Vill Leit kennen de Problem: am Alldaag ass een ëmginn vun allméiglechen Geräischer déi, ech zitéieren d'Geméng Lëtzebuerg di mer op eng Ufroo geäntwert huet, zum Deel "inhérent à l'activité économique" sinn.
Dorënner faalen d'Geräischer vun su zimlech all Dënscht- an Notzgefiirer vun ëffentlechen a privaten Acteuren, Autoen, Kamionen, Zich, Bussen, Fliigeren, Chantiersmaschinnen, bref, alles waat d'Mënschen su brauchen an notzen fir d'Infrastruktur ze schaafen an z'ënnerhalen déi de Wueren- a Persounefloss deen eis Wirtschaft braucht fir z'existéieren a jidderegem d'Méiglechkeet ze ginn op d'Schaff an Heem ze kommen, an all di schéi Saachen di een mat éierlech verdéngten Suen kaafe kann heem ze kréien..
Daat féiert zur Verkéierssitutioun di mer all kennen, an di an de leschte Joeren mam Zouwuess vun Awunner och verbonnen ass mat engem Zouwuess un immatriculéierten Automobilen, déi, an ech zitéieren d'Geméng Lëtzebuerg nach eng Kéier labber "la ville ne dispose pas de moyens pour éviter que ces véhicules se cherchent un chemin à travers les quartiers résidentiels", mat allen "nuisances environnementales" déi een sech denke kann.
Ouni op d'Loftqualitéit anzegoen, géif ech nëmme gären wëssen, wéi et méiglech ass, datt no folgender "décision"
https://environnement.public.lu/dam-assets/documents/bruit/decision-vl-bruit.pdf
vun 2008
wa mir eis am Joer 2019 befannen, also méngesachtens "moyen et long terme" vun däer Décisioun ewäsch:
- privat genotzten Automobil Gefiirer, sief et Autoen, Motorieder oder sonstech, déi strikten Regelen entsprieche mussen fir op eise Stroosen zougelooss ze ginn, ëmmer nach vun Wierk aus wäit aus méi Kaméid produzéiere kënnen wéi de Ministère recommandéiert oder suguer d'Gesetz erlaabt, spréch wäit iwwert 90db, bis zu 120db, wat engem Fliiger beim Start entsprëcht? An datt déi Gefiirer "Sandweiler" kréien, also de "feu vert", den "droit de circulation" vun de Kontrollinstanzen, déi di gesetzlech Reglementatiounen fir sou Gefiirer iwwerpréiwen?
-privat genotzen Automobiler weider zirkuléieren, di kloer selwer ëmgebaut/modifizéiert goufen, fir suvill Kamééidi ze maachen?
- d'Exekutiiv, sprëch d'Police, net mat adequatem Material ausgestatt ass, fir Iwwerschreidungen vun den seuils légaux op der Plaaz festzestellen an am positive Fall ze sanctionnéieren? (alt nees eng Äntwert vun der Geméng Lëtzebuerg op eng Ufroo...)
- datt ech als Trëppler an haptsächlech als Velosfuerer net d'Recht hun, mech mat adequatem Matérial spréch, Kopfhörer wéi se op Chantieren op deenen ähnlech Geräischwerter optrieden wi op eise Stroossen, Pflicht sinn? (Reaktioun op Policekontrollen um bd. Royal wou Velosfuerer mat Kopfhörer Protokolle kruuten)
Ech soen allen implizéierten Acteuren am viiraus merci fir hier erhellend Äntwerten. An nach vill méi fir d'aktivt Ëmsetzen vun den existéierenden Gesetzer.
(n.b.: wann ech vun privaten Gefiirer schreiwen, mengen ech effektiv privat an individuell Gefiirer, déi als eenzegen Existenzgrond hunn, privat individuell Mobilitéit ze garantéieren. Am Kontrast zu privat exploitéiert Dingscht- an/oder Notzgefiirer wéi Bussen a Camioen vun ekonomëschen Acteuren am Bau- oder Transportwiesen, ënnert aanerem. Dës Gefiirer hun anscheinend aaner Normen ze respektéieren..)

Käschten fir 927 Froen ze beäntwerten

Tue, 23 Jul 2019 19:17:51 +0000

Durant la session 2018/2019 927 questions parlementaires ont été adressées au Gouvernement.

Les réponses formulées par le Gouvernement occasionnent des frais de traitement de ces questions.

Veuillez spécifier, par question parlementaire et par parti, les frais occasionnés par les questions parlementaires tout en spécifiant les hommes/jours, les frais de traitement de ces agents nécessaires à la production de la réponse ainsi que les autres frais engendrés par les questions parlementaires.

Autobahn Stassenbelag bei Regen

Sun, 21 Jul 2019 06:47:57 +0000

Als ich im Jahr 2005 noch in Deutschland studierte, ist mir aufgefallen, dass der Luxemburgische Straßenbelag bei Regen das Wasser viel besser abfließen lässt
als die meisten Deutschen Straßen. Der Nachteil des Luxemburgischen Straßenbelags schien aber zu sein, dass er bei Regen oft rutschiger war als in Deutschland.
Das lag wohl an dem unterschiedlichen Mix von Asphalt und Beton der in beiden Ländern verwendet wurde.

Mittlerweile muss ich aber feststellen, dass der Straßenbelag hier in Luxemburg, vor allem der von der Brüsseler Autobahn,
sich regelrecht in ein Schwimmbad verwandelt sobald es regnet. Das Wasser scheint nur noch schlecht bis gar nicht abzufliessen,
da es manchmal noch länger nach einem Regenguss sehr Nass ist.

Das hat zur Folge, dass in den Spurrillen sich Wasserpfützen bilden, die Aquaplaninggefahr erhöht ist und dass man fast nichts mehr sieht durch das hoch spritzende Wasser der anderen Verkehrsteilnehmer.
Eine Autobahnfahrt unter diesen Umständen ist sehr stressig, erhöht die die Unfallgefahr und verursacht mehr Staus und stockender Verkehr durch unsichere Verkehrsteilnehmer.

Ich bin der Meinung, dass der Staat für dieses Problem verantwortlich ist und dadurch wissentlich die Verkehrsteilnehmer einer vermeidbaren Gefahr und Stress aussetzt.
Um noch ein wenig Sarkasmus hinzuzufügen: Wenn wir schon den Deutschen in dem Beispiel, schlechte Straßenbeläge zu verwenden, folgen, sollten wir auch ihrem Beispiel folgen und Verkehrsschilder
an allen Möglichen Gefahrenstellen aufstellen mit den Hinweisen:
- Achtung Spurrillen
- Bei Regen: 90km/h
- usw.

Konkrete Fragen an sie sind:
- sind sie sich der Problematik bewusst?
- wann und wieso wurde entschieden, einen Asphaltmix einzusetzen der das Wasser nicht mehr abfließen lässt?
- wann wurde an welchen Autobahnabschnitten der Straßenbelag ersetzt durch einen der das Wasser nicht mehr abfließen lässt?
- gibt es Statistiken, die Belegen, dass durch die "schlechteren Straßenbeläge" bei Regen nicht mehr Unfälle passieren?
- gibt es Statistiken, die Belegen, dass durch die "schlechteren Straßenbeläge" bei Regen es nicht zu mehr zähfliessendem Verkehr kommt?

Steierreform, Steierclasse, getrennt vun den Kanner

Sat, 20 Jul 2019 07:07:49 +0000

Get an der neier Steierreform och un den getrennt liewenden Eelterendeel geduecht ? Bis elo sin si Steierclasse 1 an hun jo awer och vill ausgaben fir hier Kanner. Et hält jo net bei der Pension Alimentaire op. Se mussen wunnen, iessen, Gezeih kaafen an geifen jo den Kanner och gaeren eppes bidden. Mol an den Kino oder en Park oder an den Resto goen.

Ech fannen deen Elterendeel get zimlech oft vergiess. Mais och dei sollen sech hier Kanner leeschten kennen. Wann Koppelen dei allen beid schaffen gin dat bescht aus eisem Steiersystem kreien, weisou kenne Elteren dei vun den Kanner getrennt sin dann net och ennerstëtzt gin?

Fraiwelleg Memberschaft an der CC.lu

Sat, 20 Jul 2019 06:53:47 +0000

An dem Artikel 20 vun der DEKLARATIOUN VUN DE MËNSCHERECHTER heescht et
"1. All Mënsch huet d'Recht op Versammlungs- a Verenegongsfräiheet am friddleche Sënn."
a virun allem "2. Keen duerf an eng Verenegong gezwong gin."
Dofir ass eng obligatoresch Memberschaft vu Firmen a Commerçanten an der Chambre de Commerce
nach zäitgeméiss a legal ?!

Quereinsteiger am enseignement fondamental

Fri, 19 Jul 2019 08:56:11 +0000

Emmer méi Educateurs gradués, wat engem Bachelor-Diplom entsprecht, versiche gären d'Méiglechkeet vum Quereinsteiger am Enseignement fondamental ze probéieren.

Virun deem Hannergrond, folgend Froen un den Edukatiounsminister:

- Wéivill Eudcateurs gradués hu bis dato vun där Méiglechkeet Gebrauch gemaach?

- Ass d'Méiglechkeet vum Quereinsteiger am Enseignement fondamental net eng concurrence déloyale vis-à-vis vun den anere soziale Beruffer wou dat Personal duerno eventuell fehlt?

- Hänkt déi Demande eventuell matt enger mi schwaacher Entlounung vum Educateur zesummen?

- Wéivill Quereinsteiger gouf et insgesamt säit der Aféierung vun där Méiglechkeet a wéi ass den taux de réussite?

- Färt den Edukatiounsminister net, datt di héich Zuel u Quereinsteiger zu engem Malaise matt de sëlleche Chargés de coursen féiert déi dee selwechten Job eventuell scho vill méi laang maachen?

- Ass et envisagéiert de chargés de coursen, opgrond vun hire compétences acquises iwwer d'Erfahrung am Beruff, iergendwann di identesch favorabel Méiglechkeet an Aussiicht ze stellen wéi de Quereinsteiger?

Recrutement de volontaires auprès du CGDIS

Fri, 19 Jul 2019 07:23:02 +0000

Virum Hannergrond vun de villen Diskussiounen em de Mangel vu Fräiwellegen am Déngscht vum CGDIS, folgend Froen un d'Mme Minister:

- Wévill nei Fräiwëlleger goufe säit der Grënnung vum CGDIS rekrutéiert?

- Wéivill Leit hu säit der Grënnung vum CGDIS als fräiwelleg Secouristen a Pompjeen opgehalen?

- Wéivill Fräiwëlleger si säit der Grënnung vum CGDIS beim Medico duerchgefall?

- Wouvir gëtt keen Ennerscheed tëscht Fräiwëllegen a Professionnelle am Beräich vum Medico gemaach?

- Gin et punktuell oder generell personell Engpäss duerch de Mangel u Fräiwellegen?

Paiements des indemnités allouées aux volontaires du CGDIS

Fri, 19 Jul 2019 07:10:26 +0000

Eng Rei Leit déi fräiwelleg vir de CGDIS aktiv sin, krute säit Meint nach keng Indemnitéit vir hir Permanence respektiv hir Asäz, respektiv kee Kilometergeld vir hir gefuere Kilometer am Déngscht vom CGDIS. Trotz allem gin et awer Leit déi hir Indemnitéite a Kilometer scho laang ausbezuelt kritt hun.

Dovir folgend Froen un d'Mme Minister:

- No wéienge Critèren gëtt de Paiement vun Indemnitéiten a Kilometergeld beim CGDIS geregelt an ausgeféiert?

- Gin et Ënnerscheeder bei de Prioritéiten vum Paiement?

- Wouvir gin des Indemnitéiten a Kilometergeld net reegelméisseg ausbezuelt?

- Wéi ass d'Formel no där des Paiementer gerechent gin?

- Gin et Engpäss beim Personal wat vir d'Comptabilitéit vun desen Ausbezuelungen zoustänneg ass?

- Wéi ass et méiglech dass an Zäite virun der Existenz vum CGDIS et nie Problemer am Beräich vum Ausbezuele gouf?

Kee FARA Agent méi fir Lëtzebuerg ?!

Thu, 18 Jul 2019 07:20:09 +0000

De Vertrag vun 1994 vum Luxembourg Trade and Investment Office NY mat Luxcore Ltd als Foreign Agent gouf op den 31 Januar 2019 beendegt (https://efile.fara.gov/docs/4901-Supplemental-Statement-20190516-24.pdf).
Am Kader vum Foreign Agents Registration Act vun 1938 (https://www.justice.gov/nsd-fara), ursprénglech geduecht géint Nazi Propaganda, soll all auslännesche Vertrieder kuerz erklären wat en an den USA esou fir eng friem Muecht mecht.
Dofir stellt sech elo d'Fro ob et en neien Agent gëtt oder soss net d'Gefor besteet, dass Individueller oder Firmen, mat Attachementer zu Lëtzebuerg, sech an Amerika op emol strofbar maachen ?!

Blockage vun der Direkter Demokratie?

Wed, 17 Jul 2019 10:46:02 +0000

Firwat blockéieren di aktuell Politiker an der Chamber an an der Regierung kategoresch de Wee richtung Direkt Demokratie?