FRO.LU - Check your governement. - Neue Anfragen in Justice

Urgent - Note de la Taskforce !

Wed, 25 Nov 2020 10:43:16 +0000

Am Interview op RTL

https://www.rtl.lu/radio/invite-vun-der-redaktioun/a/1618658.html

gett den Här Gilles Baum zitéiert:

"Zur Kritik, d’Mesuren hätte keng wëssenschaftlech Basis, huet de Gilles Baum geäntwert: „Dach!“ D’Deputéiert hätten eng Note vun der Taskforce kritt, wou kloer drop steet, wéi d’Situatioun aktuell wier a wat ze maache wier."

Am legislative Prozess

https://chd.lu/wps/portal/public/Accueil/TravailALaChambre/Recherche/RoleDesAffaires?action=doDocpaDetails&id=7694

um Site vun der Chamber schéngt déi Note net agefloss ze sinn.

Kéint déi betreffend Note, vue den aschneidende Mesuren, wann ech gelift, public gemaach ginn !

Huelt d'Verwaltungsgeriicht aus dem Huis clos !

Mon, 05 Oct 2020 09:11:40 +0000

"Audience publique du ..." steet op 24397 Urteeler vum Verwaltungsgeriicht op hirem Site http://ja.etat.lu (Stand 4.10.2020).

D'Verwaltungsgeriicht huet 1996 hiren Envol geholl a këmmert sech em Asyldemanden, Steierfroen, Gehälterfroe beim Staat, Baugeneemegungen a sonstegem Twist mam Staat.

Wisou kann eng Kummer (am Moment 4) sech em all déi verschidden Thematike këmmeren, misst dat net getrennt ginn ?

D'Convocatiounen zu de Verhandlungen sinn Zirka eng Woch online (https://justice.public.lu/fr/audiences/tribunal-administratif.html).

Um Ufank waren d'Nummer vun der Verhandlung an all d'Parteien erwäänt.
Als éischt, wéinst eventuellen Repressalien am Ursprongsland, sinn Nimm vun Asyl Demandeuren ewech geholl ginn.Vermuttlech wéinst Dateschutz, koumen natierlech Persounen no an elo och d'Personnes Morales, déi eigentlech net ënner déi Dateschutz Bestëmmunge falen.

Et gëtt esou guer Fäll wou d'Nummer vun der Verhandlung mol net méi verëffentlecht gouf:
https://web.archive.org/web/20181105165522/https://justice.public.lu/downloads.jurad/trib4.pdf !

En Urteel, wann et da rechtskräfteg gëtt an dëse Matière, stellt eng nei Realitéit teschent de Parteien duer, déi awer och de Public am allgemengen eppes ugoe kann (cf Google-Bissen, Wäiswampich).
Wann Deliberatiounen vum Urteel zu Recht net ëffentlech sinn an d'Verhandlung haaptsächlech schrëftlech mat e puer Plaidoyer vun den Affekoten, déi theoretesch dem Public zougänglech wieren, sou sollt d'Urteelsverkënnegung solennel an ëffentlech sinn. Steet jo drop!

Dem ass awer net esou, geschitt zum Beispill den 29.9.2020 wou déi 4. Kummer net manner wéi 17 Urteeler erlooss* huet, also insgesamt 365 Säiten.

Dovun 8 Urteeler zu de Panama Papers, also vun ëffentlechem internationalen Interessi.

Déi 365 Säiten eleng virzeliesen géif iwwer 6 Stonnen an Usproch huelen, mat engem à la Dieter Thomas Heck, also ass dat wuel kaum geschitt, esou um 17:00 no de Plaidoyer.

En plus, gëtt e jo ni am Virfeld gewuer wéini dann d'Urteel zu N°... gesprach gëtt.

D'Urteelsverkënnegung ass doduerch also de facto à huit clos !

D'Urteel gëtt dono dann den Affekote vun de Parteie vollstänneg zougeschéckt, mee de Public soll sech mat engem Urteel an anonymiséierter Form zefridde ginn.

Sollten d'Urteeler net ugekënnegt ginn an in extensio verkënnegt, fir valabel ze sinn ?

Firwat gëtt den Toun zum Beispill net gestreamt, am digitalen Zäitalter ?

Wisou ginn Nimm vu Gesellschaften ewech geholl ?

Verbued vu Reklamen an der Bréifboîte

Mon, 14 Sep 2020 07:24:25 +0000

D'Gesetz iwert d'Postservicer vum 26. Dezember 2012 gesait d'Méiglechkeet vir, dat en Utilisateur Envoien refuséiert.

Do heescht ët:

Art. 13.

(2)

L'utilisateur peut interdire l'accès de son installation à tout envoi ne portant pas d'adresse individuelle et n'ayant pas de lien avec sa personne, par simple apposition d'une vignette sur l'installation de réception signalant cette interdiction. Les vignettes seront d'un type approuvé par l'Institut. La responsabilité du distributeur et celle de l'éditeur responsable de l'envoi est engagée dans le cas du non-respect de cette interdiction.

Obwuel vill Leit zu Letzebuerg sou eng Vignette op hierer Boîte hun, fannen se weider all Daag Reklamen an der Boîte a wëssen nët, wéi se sech dogéint wiere sollen.

Fro:

Waat fir eng Méiglechkeet huet den Utilisateur/d'Utilisatrice fir sech géint ongefroten Envoien ze wieren?

Wéivill Plainten sen wéinst engem Verstouss géint de Verbued vu Reklamen bis lo agaang an zu waat fir engem Resultat hun se gefouert? Wéivill Individuen an Entreprisen goufen wéinst engem Verstouss géint dëse Verbued bestrooft?

Denkt den zoustännege Minister/d'Ministerin, dat d'Procédure efficace ass an de Publique gudd informéiert ass, waat en am Fall vun onerwëschten Reklame maache kann?

Wann nee, wéi gedenkt den zoustännege Minister/Ministerin derfir ze suergen, dat de Verbued vu Reklamen tatsächlech duerchgesaat gët?

Toxicomanie chez les mineurs

Tue, 08 Sep 2020 12:24:59 +0000

Puis-je entant que parent d'un mineur toxicomane porter plainte contre l'état où le gouvernement et demander des dommages et intérêts pour non respect du 1er article de la constitution qui dit que chaque citoyen doit renoncer a le violance en echange l'état doit protéger le citoyen de dangers comme par exemple l'exposition à la tentation de consommer des substances potentiellement avec effets secondaires mortels?? Comme certains médicaments où drogues dures dites illégales...??

Haassmessagen op Social Media Kanäl

Wed, 07 Aug 2019 08:27:26 +0000

Moien,

meng Fro ass op sech d'Besetzer vun Social Media Seiten strofbar maachen, wann se Haassmessagen op hieren Seiten vun dretten User net administréieren an stoen loossen.

Als Beispill:

Huele mer un op der Facebook Sait vum Noorichtenportal XY postet en User en Message, deen strofrechtlech relevant ass. En aneren User mescht d'Noorichtenportal XY drop opmierksam. Noorichtenportal XY reagéiert net an léisst den Kommentar stoen.

Kann een de Code penal mat den entspriechenden Artikel sou ausleen, dat sech d'Noorichtenportal XY strofbar mescht?

Menger Meenung ass dat aktuell eng Onkloerheet am Gesetz, wou den Justizminister Stellung sollt huelen.

Police Fichier central

Fri, 02 Aug 2019 15:18:18 +0000

Ech hunn haut eng Äntwert kritt vun der Police Grand- Ducale nodeems ech Accès vu mengen données personnelles gefrot hunn.

Et heescht:

Il résulte de nos recherches que la Police Grand-Ducale ne traite pas de données à caractère personnel vous concernant dans ses fichiers< Fichier central, Journal des incidents, Informations policières>

Ech sinn 2x verhaft ginn, 1984 a 1996, 1984 hunn ech 13 Méint Sursis kritt, war 2 Mol 1 Dag an Untersuchungshaft, si 1996 mat Mandat européen vun der Police gesicht ginn. 2009 ass eng Plainte géint mech gemaach ginn, 2010 hunn ech eng Plainte géint ee gemaach. An nach Villes méi.

Hunn och bei der Douane ugefrot an do steet Alles vu mär dran wat 1996 iwwert mech enquetéiert ginn ass.

Déi Informatioune vun der Police dass NÄISCHT iwwert mech ze fannen ass sinn net korrekt.

Ech ka mer dat just esou erklären dass an denen läschte 10 Joer näischt méi iwwert mech ze fannen ass awer virdrun mat Secherhet jo!

Si vläit do all an Teschenzäit archivéiert "Affairen"net berücksichtegt ginn?

D´Magistratur huet awer nach emmer Zougang zu dëssen "archivéierte Fichier´en" si sinn net geläscht an NET vergiess no bal 25 Joer.

All Richter an all Procureur kann se nach ëmmer gesinn, an dat no 25 Joer.

Wann dat keng Parlamentaresch For wäert ass da wenden ech un eng aner Oppistiounspartei.

Merci.

Kee FARA Agent méi fir Lëtzebuerg ?!

Thu, 18 Jul 2019 07:20:09 +0000

De Vertrag vun 1994 vum Luxembourg Trade and Investment Office NY mat Luxcore Ltd als Foreign Agent gouf op den 31 Januar 2019 beendegt (https://efile.fara.gov/docs/4901-Supplemental-Statement-20190516-24.pdf).
Am Kader vum Foreign Agents Registration Act vun 1938 (https://www.justice.gov/nsd-fara), ursprénglech geduecht géint Nazi Propaganda, soll all auslännesche Vertrieder kuerz erklären wat en an den USA esou fir eng friem Muecht mecht.
Dofir stellt sech elo d'Fro ob et en neien Agent gëtt oder soss net d'Gefor besteet, dass Individueller oder Firmen, mat Attachementer zu Lëtzebuerg, sech an Amerika op emol strofbar maachen ?!

Fichier Police

Sat, 13 Jul 2019 18:18:39 +0000

Gudde Moien,

Eng fantastesch Idee hat Där do.

Mech ging interesséireren wivill Leit schonn eng Kopie vun hierem (geheimen) Police-Fichier gefrot hunn.

Ech hunn dat den 18. Juni 2019 gemaach an hunn och mëttlerweil als Äntwert eng Referenznummer zu menger Demande kritt vun eiser Police. Ech sinn also gudder Deng geschwenn Alles iwwert mech liesen ze können.

Fir weider Froen hestiéiert net mech ze kontaktéieren.

MbG

J. Storck

D'Aktivitéite vun der Médiatrice

Tue, 11 Jun 2019 05:43:08 +0000

An de leschte Joeren ass d'Zuel vun de Plainten, déi bei der Médiatrice agereecht gi sen; staark an d'Luut gaang. 2015 waren ët nach 749 Plainten. 2017 waren ët der 1149. An Tëschenzait kënt ët zu Retarden, well di Institutioun iwerfuerdert ass.

Wéi bewert d'Regierung dës Augmentatioun? (Ass ët en Zeechen, dat di Institutioun ëmmer méi bekannt gët oder e Malaise am Verhältnis tëscht der Populatioun an der Verwaltung)

Denkt d'Regierung driwer no, déi Institutioun ze stärken, doduerch dat nei MataarbeschterInnen agestallt gin?

Wann een d'Rapporten liest, fällt op, dat sech d'Plainten op eng Rei vu Verwaltungen konzentréiren. Wier ët an sou engem Fall nët ubruecht, dat di betreffend Verwaltungen zesummen mat der Médiatrice no Léisungen sichen fir di Problèmer ze verhënneren?

Wier ët nët un der Zait, de Mandat vun der Médiatrice unzepassen, an hier ënnert aanerem och d'Méiglechkeet ze gin, op eegen Initiative; d.h., ouni dat si sech muss op de Fall vun engem Betraffenen bezéien, ze enquêtéiren an och Verbesserungsvirschléi ze maachen?