Léif Piraten,
Ech géif heimadder gär eng Parlamentaresch Fro un d’ Digitalisatiouns Ministesch an dem Minister vun der Fonction Publique stellen.
Ech schaffen als Programméierer an enger A Carrière mat engem entspriechendem Diplôme Informatique beim Staat. Ech hunn awer keen Usproch ob d' Prime Informatique. An dat laut dem Article 2 vum “Règlement du Gouvernement en Conseil du 11 mars 1994 concernant la prime d'informatique”. An zwar well ech net an engem agreéierte “Service informatique” schaffen. Meng Tâchë sinn awer änlech komplex wei Tâchën op anere Plazen vun engem agreéierte “Service informatique”. Dat weess ech aus eegener Erfarung.
Well d’ Digitalisatioun awer schnell viru Schrëtt an de Staat immens vill Programméierer, Operateuren, Data Analysts, etc. astellt. Sinn ech der Meenung datt d’ Reglement vun der Prime Informatique e bëssen outdated ass a misst ugepasst ginn.
Zu menge Froen zielen:
1. Firwat muss een an engem agreéierte “Service informatique” schaffen fir d' prime ze kréien ? Obwuel et och Programméierer, Analysten etc. gëtt déi net a sou engem Service schaffen.
2. Kéint an Zukunft un eng Upassung vun de Bedingungen geschafft ginn fir deenen Léit och een Usproch op d’ Prime ze gewährleeschten ?
3. Ginn et Statistike vu Léit déi just den 2. Artikel net afëllen, also Léit dei mat engem Diplôme Informatique agestallt sinn awer net an engem agreéierte “Service informatique” schaffen ?
Hei nach e puer Links fir méi Infoen an eng Parlamentaresch Fro iwwert d' Prime Informatique an engem anere Kontext:
Reglement: https://legilux.public.lu/eli/etat/leg/rgc/1994/03/11/n1/jo
Parlamentaresch Fro Nr. 5052: https://www.chd.lu/fr/question/22327
Merci !
LG