Am Kontext vun der massiver Erheigung vun den Präisser, notamment vun Stroum a Gas, ginn d'Bierger encouragéiert effizient mat Energie em ze goen.
Fir ze spueren hëlleft et ze moossen an ze domat wëssen wat een verbraucht. Mat esou Informatiounen, en Temps Réel, kann den Bierger effektiv gesinn wat säin Verhalen verbraucht an gegebenenfalls do upassen wou et een Impakt huet.
Et ass virgesinn all Stéit zu Lëtzebuerg mat intelligenten Compteuren - Smart Meteren - ze equipéieren, souwuel fir Stroum wei och fir Gas. Dei moossen an iwwermëttelen den Verbrauch en Permanence an gin ënner anerem d'Méiglechkeet dësen Minuttengenau dem Client an enger App um Smartphone un ze weisen.
Wei ass der Regierung hier aktuell Positioun zu Smart Meteren? Gesäit och si doran eng kleng Hëllef fir den Bierger fir méi effizient mat Energie ze haushalten ?
Wien ass Responsabel fir d'Installatioun an d'Inbetriebnahm vun souengem Smart Meter ? Un wien kennen Clienten sech wenden fir een Smart Meter ze kréien (z.B. Réseau Bedreiwer oder Liwwerant vun Gas oder Stroum) ? Innerhalb vun weiengem Zaitraum kritt den Client dann een Smart Meter installéiert ? Wat sinn d'Käschten dovun (fir den Client) an kann den Client sech och opposéieren een Smart Meter installéiert ze kréien ?
Wann den Réseau Bedreiwer an Liwwerant vun Gas oder Stroum sech weigeren zäitno een Smart Meter ze installéieren, wat sinn dem Client seng Recours Méiglechkeeten ?
Gett et eng Reglementaire Deadline bis zu dëser bei allen Stéit zu Lëtzebuerg d'Smart Meteren operationell mussen sinn ? Gouf déi Deadline no hannen verréckelt, wann jo vun wuer no wuer an firwat ?
Sinn an dësem Kontext Strofen virgesinn falls sech net un déi Reglementaire Deadline gehalen gëtt ?
Bei weivill Prozent Stéit ginn aktuell d'Verbrauchsdonnéen vun Stroum an vun Gas iwwer Smart Meter erhuewen ? Wei estiméiert d'Regierung datt déi Zuel evoluéiert, bis wéini sollen all Stéit domat equipéiert sinn ?